Kim dhe Amber tronditin internetin

Bëmat e familjes Kardashian duken se tashmë nuk kanë asnjë lloj limiti. Gjithçka i ngjan një telenovele, ku regjisori karakterizohet nga befasitë e shumta. Pak ditë më parë në mediat botërore bëri bujë lajmi për zënkën midis Kanye West, Amber Rose dhe Wiz Khalifa.
Por pas gjithë kësaj zënkës ndërmjet 3 protagonisteve, në fund edhe Kim mori masa…duke postuar një foto në Instagram me Amber. Ç’kuptim ka kjo foto vallë?

Më e pakta është që gjithkush mund të ndjehet sadopak i mashtruar, në rast se do t’u bënin përshtypje bëmat e Kim natyrisht. Duke marrë parasysh se Kanye kërkoi falje sa hap e mbyll sytë për ofendimet ndaj djalit të Amber dhe Wiz, kjo foto duket thjesht përfundimi i natyrshëm i një teatri të inskenuar. Ajo që e bën edhe më intriguese situatën është fakti se u përfol gjatë që ishte pikërisht Kim ajo që mori Kanyen nga krahët e Rose, por duket se vajzat e kanë lënë këtë histori pas krahëve. Edhe njëherë tjetër, kjo na tregon se telenovela “Kardashian” është plot befasi.