Komisioni i Ekonomisë, diskuton ankesat mbi projekt-buxhetin 2015

Sipas kryetarit të tij, Erjon Braçe, ministria e Mjedisit ka kërkuar shtim të fondeve për të krijuar administratën e parqeve kombëtare, kërkesë kjo që sipas tij, është e vonuar.

“Ka një angazhim të shtuar për të rivitalizuar parqet kombëtare dhe kalimin nën një administrim të ri. Ata kërkojnë mbështetje për krijimin e kësaj adminsitrate në funksion të thithjes së donacioneve të huaja për rehabilitmin e parqeve kombëtare”, deklaroi Braçe.

Sakaq, u paraqit edhe një tjetër kërkesë përmes deputetit Gjovalin Kadelli, pikërisht mbi shtimin e fondit për mbështetjen e biznesit fason.

Po ashtu, u bë me dije se edhe disa institucione të tjera kanë kërkuar shtesë fondesh si Presidenca, me rreth 80 milionë lekë, Shërbimi Informativ i Shtetit, Ministria e Bujqësisë, etj. Komisioni do të mblidhet sërish në orën 16.00 ku do t’i paraqesë ministrit të Financave Shkëlqim Cani raportin përfundimtar të tij projektbuxhetit 2015.