Kryeministri Rama: Deri në fund të vitit hapim të gjithë grup-kapitujt, më nënçmonin kur thoja që do i mbyllim negociatat

Kryeministri Edi Rama, në episodin e radhës të podcastit “Flasim”,ka folur lidhur me ecurinë e Shqipërisë në procesin e integrimit në Bashkimin Europian, duke e cilësuar këtë proces si “përparim të pashembullt”.

Rama kujtoi gjithashtu skepticizmin që kishte hasur më herët kur kishte deklaruar se negociatat e anëtarësimit do të mbyllen deri në vitin 2027.

“Ka vlerësuar me superlativa përparimin e pashembullt i Shqipërisë në procesin e integrimit, në hapjen e 5 grup-kapitujve në vetëm 11 muaj. Shpresojmë që deri në fund të vitit të hapim dhe grup-kapitullin e fundit. Duke kujtuar se si disa e qeshnin dhe e nënçmonin atë që unë thosha se në 2027 do mbyllim negociata duke më thënë se kjo është shpikje dhe nuk kishte asnjë lidhje me BE. Ne kemi treguar se jemi gati të plotësojmë për mbylljen e negociatave me BE. Kjo është Partia Socialiste në Tiranë”, tha Rama.