Kreu i grupit parlamentar të PD-së, Gazment Bardhi ka reaguar pas marrjes së kryebashkiakes së Roskovecit, Majlinda Bufi si të pandehur nga SPAK.
Ai e ka quajtur si lajm të mirë për banorët e këtij qyteti. Po ashtu Bardhi thekson ndër të tjera se marrja e saj si e pandehur për krime elektorale është vetëm një prej shkeljeve të shumta të kryera prej saj në ushtrimin e detyrës si Kryetare e Bashkisë së Roskovecit.
”Lajm i mirë për qytetarët e Roskovecit. Më në fund kriminelja elektorale Majlinda Bufi, do të përballet me pasojat e një pjese të krimeve të saj. Marrja e pandehur për krime elektorale është vetëm një prej shkeljeve të shumta të kryera prej saj në ushtrimin e detyrës si Kryetare e Bashkisë së Roskovecit”- shkruan ndër të tjera Bardhi.
