Kumbaro: Italofonia, një mundësi për bashkim dhe dialog kulturor

Ministrja e Arsimit, Mirela Kumbaro, mori pjesë në Konferencën e Parë të Italofonisë, e cila u zhvillua në Romë, Itali, më 17-18 nëntor.

Konferenca, e organizuar nga Ministria e Punëve të Jashtme dhe Bashkëpunimit Ndërkombëtar të Italisë nën kujdesin e Zëvendëskryeministrit dhe Ministrit Antonio Tajani, ka si qëllim të promovojë gjuhën italiane si mjet komunikimi dhe bashkëpunimi kulturor ndërmjet popujve dhe vendeve të ndryshme.

Në një postim në rrjetet sociale, Kumbaro theksoi: “Kjo konferencë ishte një moment i rëndësishëm bashkimi nën frymën e italofonisë, që na afron përmes gjuhës, arsimit, kulturës dhe historive tona të përbashkëta.”

Në qendër të konferencës ishin temat mbi :Forcimin të identitetit të përbashkët; dialogun ndërkulturor; paqen dhe zhvillimin ekonomik dhe  diplomacin kulturore.

Italofonia u prezantua si një platformë për zhvillim dhe rritje ekonomike, duke forcuar marrëdhëniet mes shoqërive civile, institucioneve dhe komuniteteve që flasin gjuhën italiane anembanë botës.