Kuvendi miratoi ligjin e ri për Shërbimin e Jashtëm, reagon Spiropali: Ngre përfaqësimin e Shqipërisë në lartësinë e sfidave të kohës

Ministrja për Europën dhe Punët e Jashtme, Elisa Spiropali, ka reaguar pas miratimit në Kuvend me 75 vota pro të ligjit të ri për Shërbimin e Jashtëm.

“Pas diskutimeve maratonë, në orët e para të mëngjesit, miratuam Ligjin e ri për Shërbimin e Jashtëm, një instrument thelbësor për ta ngritur edhe më tej përfaqësimin e Shqipërisë, në lartësinë e sfidave të kohës”, shkruan Spiropali në një postim në Facebook.