Lirimi i hapësirave publike, Rama poston pamjet: Vijojmë

Lirimi i hapësirave publike nga ndërtimet e paligjshme vijon në të gjithë vendin. Ky operacion i paraprin zbatimit të programit “Rilindja Urbane 2.0”, i cili synon të kthejë ligjshmërinë në territor duke sjellë zhvillim për komunitetet. “Vijojmë”, shkruan kryeministri Edi Rama, teksa ndau pamje nga këto ndërhyrje. E konceptuar si një ndërhyrje sistematike në terren dhe jo një aksion i përkohshëm, kjo nismë, e cila ka nisur nga zbatimi në muajin korrik, po vijon me prioritet në gjithë territorin e vendit. Për goditjen e fenomenit të ndërtimeve pa leje, në Kodin e ri Penal parashikohen ndëshkime më të ashpra.