Manjani apel përmbaruesve: Ekzekutoni vendimet për kreditë e këqija

Ministri i Drejtësisë, Ylli Manjani, u kërkon përmbaruesve privatë që të ngrejnë në një nivel të ri pune zbatimin e vendimeve të gjykatave.

Kështu, në një takim me ta sot, ai e vendosi theksin në ekzekutimin e vendimeve gjyqësore për kreditë me probleme, që vlerësohet si një problematikë serioze për ekonominë.

Në vijim të fjalës së tij, ministri paralajmëroi gjithashtu se do të hartohet edhe një nismë e re ligjore për zgjidhjen e problematikave që ka hasur shërbimi përmbarimor që pas liberalizimit, ndërsa kërkoi fuqizimin e Dhomës së Përmbaruesve.