Mazhoranca merr ish-kryetaren e PD në Sarandë dhe e emëron nënkryetare bashkie

Manjola Nikollo, ish-kryetarja e Partisë Demokratike në Sarandë është emëruar si nënkryetare e bashkisë së qytetit bregdetar.

Raportohet se emërimi i saj ka ndodhur ditën e djeshme.

Emërimi i saj vjen në vazhdën e kalimeve të disa përfaqësuesve nga radhët e demokratëve drejt atyre të Partisë Socialiste.

Në mbledhjen e Asamblesë së PS-së, Rama e kishte lënë porosi që të hapej partia drejt opozitarëve. Më shumë sesa për vota, Ramës i intereson të cimentohet ideja se këtu opozitarizmi është vrarë.