Mbarëvajtja e zgjedhjeve, ministri Demiraj këshillon drejtuesit e policisë dhe efektivët e Elbasanit

Ministri i Brendshëm, Dritan Demiraj ka zhvilluar ditën es otme një takim në Drejtorinë Vendore të Policisë Elbasan.

Gjatë këtij takimi, ministri Demiraj kërkoi nga drejtuesit dhe efektivët e Policisë së Qarkut Elbasan punë intensive për mbarëvajtjen e zgjedhjeve, për një proces zgjedhor të sigurt e të qetë, luftë pa kompromis ndaj kultivimit dhe trafikimit të lëndëve narkotike, monitorimin e goditjen e grupeve të ndryshme kriminale që mund të ndikojnë në procesin zgjedhor.

Takimi i sotëm në Elbasan është në vijim të takimeve intensive që ministri Demiraj po ndërmerr në gjithë Drejtoritë Vendore të Policisë së Shtetit.