Mblidhet sot Kuvendi, pritet ngritja e komisioneve për Reformën Zgjedhore dhe atë Territoriale

Kuvendi mblidhet sot në orën 10:00. Në rend dite janë raportimet e disa institucioneve për vitin 2024, por në seancën e sotme plenare priten edhe diskutime për Komisionet e Posaçme, për Reformën Zgjedhore dhe atë Territoriale.

Një ditë më parë, në Konferencën e Kryetarëve pati diskutime dhe mosdakordësi lidhur me Zgjedhoren. PS kërkon një formulë ku dy partitë e mëdha të kenë nga një bashkëkryetar, PS 8 anëtarë dhe 8 partitë e tjera opozitare.

Priten diskutime edhe për projektligjin për “Menaxhimin e integruar të mbetjeve” dhe projektvendimin “Për ngritjen e Komisionit të Posaçëm Parlamentar për Shqyrtimin dhe Përzgjedhjen e Kandidaturave të Komisionit Rregullator të Komisionit Qendror të Zgjedhjeve”.