Më pak aksidente rrugore – INSTAT: Prilli, rënie me 16,4% krahasuar me 2018-ën

Ulet numri i aksidenteve rrugore në vendin tonë. Vetëm për muajin prill kanë  ndodhur 16.4%  më pak aksidente krahasuar me  të njëjtën periudhë të një viti më parë  . Sipas shifrave të bëra publike nga Instituti i Statistikave,  krahas  numrit të aksidenteve rrugore  një ulje të lehtë ka pësuar edhe numri i të  plagosurve me 12.5% ndërsa  nuk ka ndryshuar ai  i personave që kanë humbur jetën.

Por ky trend në rënie është  vërejtur dhe  gjatë 4 mujorit të parë  të viti 2019,  ku edhe  pse në shifra të ulëta,  rezulton se  ka pasur  një numër më të vogël të aksidenteve rrugore  krahasuar me të njëjtën periudhë të një viti më parë .   Ndërkohë që   në rreth 85% të rasteve  aksidentet  kanë ndodhur gjatë muajit prill kanë qenë  si pasojë e  sjelljes së drejtuesit të mjetit  dhe grupmosha  e përfshirë më shumë në aksidente  mbetet 25-35 vjeç.

Në katërmujorin e parë 2019, aksidentet  e ndodhura  si pasojë   e sjelljes së këmbësorit janë ulur  çka tregon për një ndërgjegjësim të këtyre të fundit  , gjatë  katër mujorit të parë të 2019-ës  numri i aksidenteve sipas sjelljes së këmbësorit është ulur 25,0 %, krahasuar me të njëjtën periudhë të vitit 2018-të .