Ministri Gonxhja: Shqipëria 2030 do të jetë qendër evropiane e kulturës, sportit dhe mikpritjes

Lajme E Premte, 19 Shtator 2025 18:37

Ministri i Turizmit, Kulturës dhe Sportit, Blendi Gonxhja u betua sot në Presidencë në këtë detyrë si pjesë e kabinetit qeverisës të kryeministrit. Gonxhja shprehet i nderuar nga besimi i kryeministrit Edi Rama, për këtë sfidë, të cilën ai e cilësoi të re dhe në shërbim të programit qeverisës të Partisë Socialiste pas votëbesimit historik të 11 majit. ”Së bashku, me punë dhe përkushtim, Shqipëria 2030 do të jetë më shumë se një destinacion turistik: një qendër evropiane e kulturës, sportit dhe mikpritjes, një vend ku historia bashkëjeton me të renë, ku identiteti kombëtar na bashkon dhe ku talenti e dija shkëlqejnë”,-tha Gonxhja.

Postimi i plotë

Jam shumë i nderuar nga besimi i Kryeministrit Edi Rama për këtë sfidë të re si Ministër i Turizmit, Kulturës dhe Sportit, në shërbim të programit qeverisës të Partisë Socialiste pas votëbesimit historik të 11 majit! Falenderoj Presidentin e Republikës, Z. Bajram Begaj, për dekretimin dhe mbështetjen.

Së bashku, me punë dhe përkushtim, Shqipëria 2030 do të jetë më shumë se një destinacion turistik: një qendër europiane e kulturës, sportit dhe mikpritjes; një vend ku historia bashkëjeton me të renë, ku identiteti kombëtar na bashkon dhe ku talenti e dija shkëlqejnë.

Së fundmi, por jo nga rëndësia, falenderoj kolegët e Ekonomisë dhe Inovacionit për bashkëpunimin gjatë këtyre 19 muajve, në MEKI, ku së bashku ngritëm struktura, ndërmorrëm nisma dhe realizuam projekte të rëndësishme, me bindjen se të gjitha punët e nisura do të ecin përpara me energji e sukses.

FALEMINDERIT!

ETIKETA Blendi Gonxhja