Ministri Lamallari pret përfaqësuesit e FRONTEX: Forcojmë bashkëpunimin për sigurinë kufitare

Ministri i Punëve të Brendshme, Besfort Lamallari priti këtë të martë në një takim përfaqësuesit e lartë të FRONTEX, Eva Capogna, Holger Farnung, Teuta Krasniqi dhe Ksenia Hawryszkow.

Gjatë takimit, Lamallari bëri me dije se diskutoi mbi forcimin e mëtejshëm të bashkëpunimit mes Shqipërisë, FRONTEX dhe BE në fushën e sigurisë kufitare, migracionit dhe luftës kundër kriminalitetit ndërkufitar.

”Shqipëria ishte vendi i parë jo-anëtar i BE-së që mirëpriti një operacion të përbashkët të FRONTEX, duke dëshmuar besimin dhe rolin tonë si faktor sigurie në rajon. Operacionet e përbashkëta, kontributi i oficerëve shqiptarë në misionet europiane, si dhe puna për modernizimin e sistemeve të menaxhimit të migracionit po forcojnë kapacitetet tona në përputhje me standardet europiane dhe rrugën drejt integrimit në Bashkimin Europian”, nënvizoi ministri.