“Mjerimi”, Shqipëria lë prapa Serbinë, Greqinë dhe Maqedoninë

Jeta është e vështirë në një vend ku nuk ka punë, ku kostoja e jetesës është në rritje dhe kur borxhi është i vështirë për t’u shlyer.

Kjo është ajo që mat “Indeksi i Mjerimit” i Institutit Cato, një think-­tank në SHBA me qendër në Uashington. Indeksi rendit 108 vende, mes të cilave edhe Shqipëria, por jo edhe Kosova kësaj radhe, mbi bazën e mungesës së vendeve të punës, çmimeve të konsumit dhe Prodhimit të Brendshëm Bruto.

Sipas renditjes për vitin 2014, pesë vendet më të “mjera” për të jetuar janë Venezuela, Argjentina, Siria dhe Irani, raporton Koha Ditore. Çmimet e larta dhe papunësia janë faktorët kryesorë që kanë pozicionuar këto vende në krye.

Kurse, pesë vendet më pak të “mjera” janë Brunei, Zvicra, Kina, Tajvani dhe Japonia. Shqipëria në renditje pozicionohet në vendin e 41­të. Ndër vendet e rajonit me renditjen më të keqe janë Serbia (8), Maqedonia (12) dhe Greqia (19).