Mlladiç u përpoq ta “blinte” gjykatësin me një litër raki

I akuzuari i për krime kundër njerëzimit, gjenerali famëkeq serb, Ratko Mlladiç, i ka premtuar kryetarit të trupit gjykues të Tribunalit të Hagës, një litër raki pasi të “lirohet” nga aktakuzat e ngritura kundër tij.

Kështu së paku krimineli Mlladiç, i tha gjyqtarit Alphons Orie, pas përfundimit të dëshmisë së dëshmitarit të mbrojtjes, Zharko Stojkoviç. Stojkoviçishte kumbar i dasmës së tij në Beograd më 16 korrik të vitit 1995, përkatësisht në kohën kur, sipas akt-akuzës, u ekzekutuan mijëra burra myslimanë në Srebrenicë të BonjçHercegovinës.

“Kur ju të më lironi, do t'ju qeras me një litër raki”, i tha gjyqtarit, gjenerali Mlladic, duke iu drejtuar atij “Shoku Ori”. Ish-komandanti i Ushtrisë së Republikës së serbe, Mlladiç (73 vjeç) është akuzuar për genocid në Srebrenicë, persekutimin e myslimanëve dhe kroatëve në Bosnjë-­Hercegovinë, terrorizimin e civilëve në Sarajevë duke granatuar qytete dhe se kishte marrë peng disa ushtarë si pengje. 

–