Momentet kryesore nga vizita e Von der Leyen në Tiranë, Rama postot fotot

Kryeministri Edi Rama priti këtë të hënë Presidenten e Komisionit Europian, Ursula von der Leyen, e cila vizitoi Shqipërinë në kuadër të Forumit të parë të Investimeve “Bashkimi Europian-Ballkani Perëndimor” që po zhvillon punimet në datat 13-14 tetor. “Sot me Presidenten e Komisionit Europian, Ursula von der Leyen”, shkroi Rama në një postim në rrjetet sociale duke sjellë momentet kryesore të vizitës së zyrtares së lartë të Bashkimit Evropian. Gjatë konferencës së përbashkët për shtyp me presidenten e Komisionit Europian, Ursula von der Leyen, kryeministri Rama vlerësoi mbështetjen e Komisionit Europian në procesin e integrimit europian.