Monika Levinski: Turpi nuk të shqitet për gjithë jetën

Kanë kaluar plot 18 vjet nga skandali seksual i Monika Levinskit me ish-presidentin e SHBA-ve, Bill Clinton, por ajo ka vendosur të thyejë heshtjen dhe të tregojë se përse kishte kaq kohë që nuk fliste për marrëdhënien e saj me ish-shefin, Clinton.

“Jam shumë e vetëdijshme për mënyrën si më shikojnë njerëzit. Në rastin tim, koha nuk shëron pikërisht gjithçka. Turpi të ngjitet përjetë si katran”.

“Sytë e publikut gjithmonë do të më shohin si e dashura e Bill Clintonit”, ka thënë ajo për “The Guardian”.

“Më duhet të pranoj se shefi im më ka shfrytëzuar, por dua të them se është fjala për një lidhje që e kemi pranuar të dy. Administrata e Clintonit, politikanët e tjerë dhe mediat më kanë keqtrajtuar”, ka thënë ajo më tej.

Levinsky ka përfunduar studimet për psikologji në Londër, ndërsa atje po jeton dhe punon prej disa vitesh.