Mundësitë energjetike në fushat e gazit në Delvinë, Ambasada amerikane: Trump po nxit një epokë të re rritjeje

Zyrtarë të lartë amerikanë dhe holandezë kanë zbritur në terren në jug të vendit, duke vizituar Fushën e Gazit në Delvinë për të parë nga afër potencialin energjetik të Shqipërisë. Sipas Ambasadës së SHBA në Tiranë, vizita u zhvillua nga e Ngarkuara me Punë, Nancy VanHorn, së bashku me ambasadorin e Holandës, Reinout Vos.

Postimi i plotë

Presidenti Trump po nxit një epokë të re të rritjes së prodhimit energjetik amerikan, me investimet amerikane që forcojnë sigurinë energjetike globale. Duke theksuar rëndësinë e një mjedisi rregullator transparent për tërheqjen e investimeve ndërkombëtare, e Ngarkuara me Punë Nancy VanHorn dhe Ambasadori holandez Reinout Vos vizituan Fushën e Gazit në Delvinë javën e kaluar për të eksploruar mundësitë në sektorin energjetik të Shqipërisë.