Ndërtimet pa leje, nga 1 shkurti dënimi nga 1 vit shkon në 5 vjet

Nga 1 shkurti i këtij viti, hyjnë në fuqi ndryshimet e reja në Kodin Penal, të cilat ashpërsojnë dënimet ndaj atyre që ndërtojnë pa leje. Ka qenë vetë drejtoresha e Inspektoriatit të Mbrojtjes së Territorit, deri dje INUK-u, Dallëndyshe Bici, e cila ua ka rikujtuar dje publikisht një fakt të tillë gjithë qytetarëve. Bici u kujtoi pikërisht dënimin me burg të gjithë atyre që sipas saj, kanë ndër mend të vënë një tulle pa leje. “Më datë 1 shkurt hyjnë në fuqi ndryshimet për Kodin Penal, duke u hequr për ndërtimet e paligjshme koncepti i gjobës duke u zëvendësuar me ndërtimin e vetëm dhe jo alternativ, me dënimin me burg. Kemi ndryshime edhe masën e dënimit nga një vit ka shkuar në 5 vjet duke shtuar edhe konceptimin e pasojave të rënda si në tokë private ashtu edhe tokë shtetërore. Dënim është parashikuar me burg deri në 3 vjet edhe ata që ndihmojnë në ndërtimin paleje, duke pasur parasysh këtu sipërmarrësit, ndërtuesit apo zbatuesit e punimeve ”, tha Bici.

DËNIMET

5

Vjet burg për atë që ndërton pa leje, si në tokë private, ashtu edhe në tokë shtetëror

3

Vjet burg për atë që ndihmon dikë të ndërtojë pa leje, në tokë private ose shtetërore