Një diamant 25 milionë dollarë, dhurata ekstra për Shën-Valentin

Shtëpia e ankandeve Sotheby në Londër ka shfaqur për publikun një diamant të rrallë 100 karatësh, përpara se të nxirret në shitje në pranverë.

Diamanti i bardhë me disa reflektime esmeraldi thuhet se është unik dhe pritet të shitet nga 19 deri në 25 milionë dollarë në ankandin Magnificent Jewels në Nju Jork më 21 prill. Pse guri është kaq i çmuar e shpjegon drejtori i bizhuterive të Sotheby në New York Gary Schuler:

“E para natyrisht është madhësia e tij, e cila e vë në një kategori tepër të veçantë. E dyta është fakti që breda tij guri është i përosur dhe ka ngjyra 3 d, që do të thotë është pa ngjyrë.

Gjithashtu ky gur është i njohur si një diamante i llojit 2a, që do të thotë se nuk ka prani azoti brenda tij. Kjo do ti jepte çdo guri një tis të verdhë, por ky diamante nuk e ka dhe me fjalë të tjera është shumë shumë i pastër” thotë Schuler.

Guri i bashkohet një grupi elitar, i cili përbëhet nga vetëm pesë diamantë me cilësi mbi 100 karat që janë shitur ndonjëherë në ankand në mbarë botën.

Schuler tha se personat e interesuar për objekte të përsosura dhe perfekte, do të interesohen për blerjen e këtij guri të çmuar. Sipas shpëpisë së ankandit Sotheby, një diamant i përafërt ishte copëtuar në Afrikën e Jugut në 10 vitet e fundit, por Schuler, thotë se kush do që do ta blejë këtë gur, do ta mbajë në formën e tij aktuale, duke mos e copëzuar.

“Jo, unë mendoj se do të mbajë në formën e tij aktuale për shkak se pikërisht madhësia dhe është një nga cilësitë e tij unike. Por sigurisht që ,mund edhe ta mbajnë si objekt, apo mund ta shkrijnë në një varëse. Unë do të doja shumë ta shihja pjesë të një byzylyku, që sigurisht mbajtësi mund ta admirojë gjithë kohën, si dhe të ketë individë të tjerë që e shohin atë, “tha ai.

Diamanti do të ekspozohet në Dubai, Los Angeles, Hong Kong, Londër dhe Doha, para se të kthehet në New York.

Çmimi aktual rekord për shitjen e një diamanti të bardhë është 30.600.000 $, në Sotheby Hong Kong në 2013.