Obama në dyqan për të blerë akullore… me apo pa “kupon tatimor”?!

Presidenti i SHBA-ve, Barack Obama, së bashku me vajzat Malia dhe Sasha, ndalojnë për të blerë akullore në dyqanin Pleasant Pops Farmhouse Market and Café në Washington.

I veshur sportiv, i thjeshtë si çdo qytetar tjetër teksa bisedon me shitësen, duket se kjo e fundit jo vetëm që nuk i dridhet qerpiku para  njeriut më të fuqishëm të planetit, por po i kërkon edhe llogari.

Ajo është zgjedhur si Foto e Ditës dhe komentuesit shqiptarë duket se i kanë dhënë disi nota humori.

Nëse do të ndodhej në Shqipëri, kuptohet që presidenti Obama në këtë rast do të interesohej për “kuponin tatimor”.