OSHEE: Kufizim i energjisë elektrike në disa zona

Operatori i Shpërndarjes së Energjisë Elektrike, OSHEE, njoftoi sot se për shkak të punimeve që po kryhen për zëvendësimin e transformatorit në n/stacionin e Kasharit, sot nga ora 09:00-14:00 do të ketë mungesë energjie në disa zona: Yzberisht, Pallatet në Fushën “Misto Mame”, Yzberisht, Top Channel, Pallatet “Giron”, “Lin Konstration”, Kashar, Kamëz, Bashkia Kamëz, Valiasi i Ri, Frutikultura.

Në njoftimin për shtyp OSHEE bën të ditur se, kufizime të energjisë do të ketë dhe në zonën e Zogut të Zi, ku grupet e OSHEE do të rinisin sot punimet për zhvendosjen e shtyllës elektrike nga trotuari në rrugën “Don Bosco”.

Operatori i Shpërndarjes së Energjisë Elektrike, OSHEE, njofton se për arsye sigurie do të stakohet energjia në disa fidra nga ora 12:00-16:00.Për pasojë nuk do të kenë energji elektrike disa zona si: “Zogu i Zi”, “Fusha e Aviacionit”, Lapraka.