OSHEE: Të gjitha hidrovoret furnizohen me energji elektrike

Operatori i Shpërndarjes së Energjisë elektrike, OSHEE, njoftoi sot se të gjitha hidrovoret në mbarë vendin furnizohen me energji elektrike prej tij.

Ndërsa vijon stakimi i energjisë për arsye sigurie në disa n/stacione si pasojë e kabinave elektrike që gjenden në ujë.

Kështu, si rezultat i përmbytjeve në drejtorinë rajonale Fier, në rrethin e Vlorës  është jashtë pune një fidër në n/stacionin Kafaraj. 

Fidri Nr.20 është stakuar për masë sigurie pasi 6 kabina janë në ujë.

Për këtë arsye kanë mbetur pa energji  komuna “Levan“ me fshatrat: Levan (një pjesë), Bishan, Cerven, Bocove, Qarr, Ferras, Bashkim, Pishë Poro.

Fidri Nr.6 është i kycur pjesërisht duke lënë pa energji  2 kabina private në  fshatin Poro

Fidri Nr.25 është i kyçur pjesërisht duke lënë pa energji 4 kabina private në fshatin Akerni. 

Në rrethin e Fierit është jashtë pune një fidër në n/stacionin e Jagodinës.

Fidri “Kallme“ i cili është jashtë pune është furnizuar nga fidri I naftës.

Nuk merr energji një kabinë në fshatin Nish.

Fidri “Suke” në n/stacionin  Jagodinë  ka jashtë pune një kabinë të përmbytur nga uji.

Në rrethin Ballsh  u vendos  në punë që ditën e djeshme n/stacioni  Poçem (asset i ARMO-s).

Për pasojë sot janë furnizuar me energji elektrike fidrat e këtij n/stacioni me përjashtim të katër kabinave ku po punohet për ti vënë në eficencë.

Po sot kanë marrë energji fidrat “Kut” që mbulojnë me energji  fshatrat: Kut, Çarrush.

Fidri “Klos” që furnizon me energji  fshatrat: Klos, Mollas, Hekal.

Fidri “Fratar” që furnizon me energji  fshatrat: Kremenar, Ninesh, Bejar, Gadurove.

Fidri ‘’Poçem’’ që mbulon me energji fshatrat: Poçem , Drizar.