Një skenë e veçantë është regjistruar gjatë protestës që po zhvillohet përpara Ministrisë së Arsimit në Tiranë.
Dy fëmijë të maskuar janë ulur këmbëkryq në rrugë, përballë efektivëve të Policisë të pozicionuar pranë godinës së ministrisë.
Pas tyre qëndron një tjetër protestues, i veshur me kostum tradicional shqiptar, i cili valëvit flamurin kuqezi.
Pamjet vijnë ndërsa protesta e studentëve vijon përpara Ministrisë së Arsimit, nën masa të shtuara sigurie nga Policia.