Pamje spektakolare në Colorado

Një foto e qiellit të Colorado-s (SHBA) i ka habitur jo pak përdoruesit e internetit ditët e fundit. Në të shfaqen retë në formën e valëve të oqeanit.Fenomeni i hasur edhe herë të tjera ka ngritur shumë pikëpyetje, për të cilat shkenca ka një përgjigje.

Këto lloj resh njihen si “dallgët Kelvin-Helmholtz”. Ato marrin formë të tillë kur dy shtresa ajri në atmosferë lëvizin me shpejtësi të ndryshme.Kur këto dy shtresa takohen me njëra-tjetrën, formohet një shtresë “transparente”, e cila bëhet e paqëndrueshme si pasojë e ndryshimit të shpejtësisë.Kjo krijon një vorbull dhe retë marrin formën e dallgëve të detit. Ky fenomen nuk zgjat shumë.