Panariti merr titullin Honoris Causa nga Universiteti i Peruxhias
Lajme E Premte, 16 Prill 2021 04:19
Ministri i Bujqësisë, Zhvillimit Rural dhe Administrimit të Ujrave, Edmond Panariti, merr titullin Honoris Causa nga Universiteti i Peruxhias.
Në faqen zyrtare të Universitetit të Peruxhias në Itali www.unipg.it njoftohet mbajtja në datën 22 tetor 2015, e ceremonisë për dhënien e titullit akademik Doktor Honoris Causa, në mjeksi veterinare, ministrit të Bujqësisë Prof. Edmond Panariti.
Universiteti i Peruxhias është një ndër universitetet më të vjetra në Europë i themeluar në vitin 1308. Në vitin 2014-2015, u shpall si universiteti më i mirë ndër universitetet më me emër të Italisë.
Po këtë vit, ky universitet i dha titullin Doktor Honoris Causa në financa, Presidentit të Bankës Qendrore Europiane, Mario Draghi.
