Përmbytjet, ministria e Bujqësisë: Udhëzim për evidentimin e dëmeve

Zv/ministri i Bujqësisë, Jani Babi, bëri të ditur se dikasteri i Bujqësisë ka nxjerrë sot udhëzuesin e posaçëm për evidentimin e dëmeve dhe dëmshpërblimin e fermerëve që janë prekur nga përmbytjet e shkaktura ditet e fundit, nga shirat me intensitet të lartë që kanë përfshire vendin tonë

Në një intervistë televizive, zv/ministri Babi u shpreh se, ekspertët e bujqësisë në bashkërendim të punës me Shtabimin e Emergjencës që është ngrijtur për të përballuar situatën e përmbytjeve në vend, pa orjentohen për çdo hap të punës që duhet të kryejnë si në evidentimin e pasojave dhe dëmeve të shkaktuara, por edhe në përllogaritjen e dëmeve në bujqësi dhe blegtori.

Sipas tij, vëmendje e veçantë po i kushtohet groposjes së kafshëve të ngordhura me qëllim izolimin e çdo situate epizotike, ndërsa mbetet në prioritet të punës furnizimi me ushqime i popullatës në zonat e prekura nga përmbytjet dhe furnizimi me ushqim për blegtorinë.