Përpiqet të thyejë rekordin, vdes i varrosur për së gjalli

Një banor i Sri Lanka ka vdekur duke u përpjekur të thyejë një rekord vendas për qëndrimin më të gjatë i varrosur nën tokë. 24 vjeçari Janaka Basnayake u varros me ndihmën e familjes dhe të miqve në qytetin Kantale. Edhe pse qeveria u ka bërë thirrje njerëzve të mos tentojnë të tilla gjëra, Basnayake u varros të shtunën në mëngjes dhe u shpall i vdekur po atë ditë pasdite. Ai ishte varrosur në një thellësi 3 metra. Familja tha se e kishte varrosur dhe më parë në dy raste- në të parin kishte qëndruar 2.5 orë, kurse në të dytin gjashtë orë.