”Pjesëmarrje qesharake”, Salianji akuzon Berishën për manipulim: Farsë e braktisur nga demokratët

Ish-deputeti i PD-së, Ervin Salianji ka publikuar shifrat e pjesëmarrjes së demokratëve në procesin e referendumit të Sali Berishës, ku po votohet si kryetar i PD. Ndryshe nga numrat që vijnë nga selia blu, shifrat që sjell Salianji janë më të ulëta ndërsa shkruan se ky proces është braktisur masivisht. ”Kjo nuk është garë. Kjo është farsë e braktisur nga demokratët. Partia Demokratike nuk mund të uzurpohet me votime pa zgjedhje, me pjesëmarrje qesharake dhe me manipulim politik. Demokratët folën qartë: nuk pranojnë pronësimin e PD-së për interesa personale”,-shkruan Salianji.

Postimi i plotë

Braktisje masive e farsës nga demokratët! Deri në orën 13:00, në të gjithë Shqipërinë kanë marrë pjesë vetëm 1,898 anëtarë: 121.000 anëtarë ka pasur Partia Demokratike, 51.000 deklaron uzurpatori!

Tiranë 430

Durrës 178

Kukës 148

Korçë 66

Dibër 121

Lezhë 233

Elbasan 189

Berat 97

Vlorë 109

Gjirokastër 48

Fier 88

Shkodër 191

Kjo nuk është garë. Kjo është farsë e braktisur nga demokratët. Partia Demokratike nuk mund të uzurpohet me votime pa zgjedhje, me pjesëmarrje qesharake dhe me manipulim politik. Demokratët folën qartë: nuk pranojnë pronësimin e PD-së për interesa personale!