Presidenti Begaj uron Pashkën nga Korça: Qoftë e bekuar për të gjithë shqiptarët

President Bajram Begaj ishte këtë të diel në Korçë, ku mori pjesë në kremtimin e Pashkës në Mitropolinë e qytetit. Ai ka uruar të gjithë besimtarët ortodoksë me mesazhe për më shumë solidaritet.

”Shumë faleminderit për mikpritjen. Jam sot shumë i gëzuar që gjendem në Korçë për të uruar nga Mitropolia e Korçës besimtarët ortodoksë, gëzuar Pashkën.

Qoftë e bekuar për të gjithë besimtarët por edhe për të gjithë shqiptarët. Uroj që drita e qiririt e marrë mbrëmë në kishë të ndriçojë zemrat e çdo individi, çdo besimtari, të gjithë shoqërisë tonë dhe të bëhemi më të mirë me njëri tjetrin, më solidarë dhe më të mbarë për njëri tjetrin.

Me këtë rast i uroj edhe hirësisë së tij Anastasit, që të ketë një shërbesë të mbarë, të suksesshme këtu në Mitropolinë e Korçës”.