Propozimi: Bankat të jenë pronare të hipotekës që në karabina

‘Bankat të jenë pronare të hipotekës që në karabina. Hipoteka duhet të bëjë kalimin e procedurave të falimentit”. Janë propozimet e ministrit të Drejtësisë Ylli Manjani bërë në Komisionin e Ligjeve ku vijon diskutimi i pr.ligjit për regjistrimin e pasurive të paluajtshme.

Manjani nënvizoi dixhitalizimin si zgjidhje përfundimtare të kaosit të krijuar pasi në Hipoteka është konfuzion i jashtëzakonshëm dhe ka harta të mbivendosura për pronat.

Dje Zv.Ministri i Drejtësisë Arben Isaraj deklaroi se regjistrimi i pallateve që në fazën karabina është i domosdoshëm për të shmangur financimin e terrorizmit,pastrimin e parave si dhe dhënien e kredive në mënyrë abusive. Me këto ndryshime synohet që të krijohet siguri juridike për qytetarët.