Protesta e PD-së, kryeministri Edi Rama: Kur mortja e shtyn qenërinë tek dera e xhamisë…

”Kur mortja e shtyn qenërinë tek dera e xhamisë”,-shkruan kryeministri Edi Rama në një postim në X, pas orëve të protestës së PD-së që trazoi Tiranën. Situata u përshkallëzua kur protestuesit të cilët kërkojnë dorëheqjen e qeverisë Rama mbi akuza korrupsioni, hodhën objekte si molotovë dhe fishekzjarre drejt zonës së Kryeministrisë dhe Parlamentit, duke u përballur me përdorimin e gazit lotsjellës dhe ujit me presion të madh nga Policia e Shtetit. Si pasojë pati edhe lëndime të disa protestuesve dhe përleshje fizike me efektivët e rendit publik.