Aktori Mehdi Malkaj në protestën përballë Kryeministrisë që kundërshton projektin në Zvërnec, tha se himni kombëtar shqiptar është përdhunuar gjatë këtyre viteve. Sipas tij, fëmijët në shkollë nuk po mësohen për çështje që kanë të bëjmë me atdhetarizmin.
“Tungjatjeta të gjithëve. Nuk vdes njeriu kur thotë ndonjë fjalë të mirë, si fjala ‘ju kam xhan të gjithëve’. Unë tani kam një dëshirë, që dua që kush e ka në dorë të ma plotësojë.
Miq të dashur, ai që është përdhunuar më shumë në këtë mes, është himni kombëtar. Fëmijët venë në shkollë dhe nuk u thonë mësuesit çfarë është ky. Ta këndojmë këtu himnin kombëtar të gjithë sa jemi”, tha aktori Mehdi Malkaj.
