Protestat në Shkup, ambasadori Meidani: Dialog, jo vonesë. Zëri demokratik i studentëve kërkon veprim

Ambasadori i Shqipërisë në Shkup, Denion Meidani, ka vlerësuar protestën e studentëve shqiptarë në Maqedoninë e Veriut ku sipas tij, meriton vlerësim për angazhimin qytetar dhe mënyrën demokratike të artikulimit të kërkesës.

Meidani ka rikonfirmuar mbështetjen për studentët duke nënvizuar se e drejta për përdorimin e gjuhës amtare është e garantuar dhe duhet të reflektohet qartë në praktikë, në përputhje me Kushtetutën dhe legjislacionin në fuqi.

”E drejta për përdorimin e gjuhës amtare është e garantuar dhe duhet të reflektohet qartë në praktikë, në përputhje me Kushtetutën dhe legjislacionin në fuqi. Angazhimi qytetar i studentëve dhe mënyra demokratike e artikulimit të kërkesës së tyre meritojnë vlerësim. Kjo kërkon një përgjigje institucionale të matur, të përgjegjshme dhe të orientuar drejt zgjidhjeve të qëndrueshme, përmes dialogut konstruktiv dhe respektimit të plotë të të drejtave të garantuara”,-shkruan Meidani.