Protestuesit: Nesër te Kuvendi pengojmë deputetët në hyrje, policia kujdes kë prek me dorë

Në ditën e 32-të të protestës përballë Kryeministrisë, një prej protagonistëve, në emër të shtabit drejtues, bëri thirrje për një tjetër tubim para Kuvendit për të penguar hyrjen e deputetëve. Ai lajmëroi se është planifikuar që pas asaj të djeshmes, një tjetër protestë të mbahet nesër në orën 10:00 para Parlamentit dhe i kërkoi Policisë së Shtetit të mos cenojnë qytetarët.

“Njoftim për nesër, në orën 10:00, është se do të ndalojmë deputetët që të hyjnë në parlamentin tonë. Siç e kemi parë të gjithë, dje forcat e policisë kanë ushtruar një dhunë të neveritshme ndaj protestuesve paqësorë që ka parë Europa këto 10 vitet e fundit, prandaj të gjithë bashkë te Kuvendi nesër në orën 10.

Thirrje punonjësve dhe drejtuesve të Policisë së Shtetit të kenë shumë kujdes se kë prekin me dorë, se qytetarët shqiptarë kanë në dorë jo vetëm t’i pushojnë nga puna, por edhe t’i çojnë në burg. Parlamenti është i yni dhe jo i atyre”,– tha protestuesi.