Qendra e Tiranës siç u ideua nga Rama, Veliaj “fshin” projektin e Bashës

Erjon Veliaj rikthen projektin e Edi Rames për sheshin “Skenderbej”.

Kreu i ri i Bashkisë se Tiranës deklaroi se së shpejti nis zbatimi i planit, për kthimin e qendrës së kryeqytetit në një zonë vetëm për këmbësoret. 

Paralelisht me ketë projekt, bashkia ka siguruar financime për ndërtimin e unazës se vogël, kryerjen e shpronësimeve si dhe per projektin e parkut te Liqeni.

Ende nuk dihet nëse do te jetë maket i “projektit Rama” qe do te zbatohet mbi sheshin “Skenderbej’ apo kryetari Veliaj do te zhvilloje konkurs tjetër per qendrën.

Para zgjedhjeve vendore te 2011, në sheshin “Skënderbej” u krye 80% e punimeve nëntokësore të projektit.

Por, kur Lulzim Basha mori drejtimin e bashkisë, projekti i Rames për qendrën pedonale "u gropos", bashkë me miliona euro të financuara nga qeveria e Kuvajtit.

Kryebashkiaku Veliaj jo vetëm do të rikthejë projektin e qendrës pa makina, por do të rrezojë edhe projektin e Bashës për zgjatimin e Bulevardit. Ndryshe nga projekti “Basha”, zona nga stacioni i trenit deri tek Lumi i Tiranës, në Paskuqan do të jetë pa ndërtesa të larta, me një hapësirë të gjelbër dhe me parqe. Këto detaje kryetari Veliaj i ka bërë publike gjatë ngritjes së Këshillit të Biznesit, organ konsultativ me të cilin do të diskutohen çështje të buxhetit të Tiranës, paketës fiskale dhe projektet e bashkisë.

Veliaj qetësoi subjektet private dhe ndërmarrjet e varësisë, se borxhi i krijuar 31 milion euro gjatë drejtimit të Lulzim Bashes, jo vetëm do të njihet prej tij, por ka nisur edhe të shlyhet.