Rama, kandidates për bashkinë e Vlorës: Të gjithë drejtorët të shkojnë në punë rresht në orën 7:30

Kryeministri Edi Rama i kërkoi kandidates së Vlorë, Brunilda Mersini, të presë degët e nepotizmit në këtë bashki brenda 100 ditësh. Rama i kërkoi gjithashtu që të gjithë drejtorët e kësaj bashkie të mos bëjnë më sehir por të shkojnë që në orën 7:30 në punë.

Pjesë nga biseda:

Brunilda Mersini: Besoj fort te stafi që do të ngre dhe aftësitë e mua drejtuese diku edhe intuita në drejtim që të kemi një Vlorë më të pastër. Pavarësisht se duket vetëm një fjali, por përmban një strategji që i duhet qytetit turistik. Më pas, do të shikoj rrugën e lagjes time, sepse lagjet kanë probleme të infrastrukturës së përditshme dhe të gjithë bashkëe kemi një moto që Vlora të jetojë 365 ditë që jeton gjatë sezonit turistik. Na pëlqen sezoni turistik në Vlorë që e ndjejmë Vlorën si kryeqytet përtej Shqipërisë, kështu që e duam edhe në dimër me të njëjtin intensitet.

Edi Rama: Në spitalin e Vlorës bëre gjënë e duhur. Kështu që shpresoj mirë që edhe ata drejtorët të vijnë atje rrjesht të gjithë atje të parët para fillimit të orarit zyrtar dhe të ikin në fund fare. E dyta, Bruna duhet të marrë gjithë listën e atyre që janë në punë dhe të fillojë me gërshërë dhe të presë degët e nepotizmit. E treta, s’ta kam merakun për të tjerat. Po të them që ta dëgjojnë edhe vlonjatët, drejtorët duhet të vinë rrjesht në bashki dhe në orën 7:30 të jenë e rrotull tryezës tënde. Dua që drejtorët e bashkisë Vlorë të shkojnë në punë në 7:30 në rresht. Përndryshe të ikë. 100 ditë duhet krasitur e gjithë pema e nepotizmit. Duke filluar nga kushëriri aty. Ke ndonjë kushëri aty?

Bruna Mersini: Jo

Edi Rama: Ta gjejnë vlonjatët.