Rama: Lirohen hapësirat publike në Orikum, hapet rruga për Lungomaren 3

Inspektorati Kombëtar i Mbrojtjes së Territorit (IKMT) ka vijuar sot prishjen e 18 objekteve pa leje në zonën e Orikumit, një ndërhyrje që hap rrugën për vijimin e projektit Lungomare 3, Vlorë – Radhimë – Orikum, me qëllim transformimin e vijës bregdetare në një destinacion më të frekuentuar për turistët.

Kryeministri Edi Rama ka ndarë pamje nga ky aksion dhe shkruan:

“Mbyllet lirimi i hapësirave publike, që i hap rrugë realizimit të plotë të projektit Lungomare 3 – Vlorë•Radhimë•Orikum, i cili po e transformon vijën bregdetare në atë zonë”.