Rama ndan pamjet nga Teqeja e Zallit, një xhevahir i rilindur në hyrje të Gjirokastrës

Kryeministri Edi Rama ka zgjedhur të promovojë përmes rrjeteve sociale një nga objektet më emblematike të qytetit të gurtë, Teqenë e Zallit. Përmes një fotogalerie mbresëlënëse, kreu i qeverisë ka nxjerrë në pah vlerat arkitekturore dhe shpirtërore të këtij monumenti të kategorisë së parë, i cili i është nënshtruar proceseve të restaurimit.

Në postimin e tij, Rama e përshkruan Teqenë e Zallit si një pikë takimi mes besimit, historisë kombëtare dhe estetikës unike të jugut. Fotografitë e ndara shfaqin detaje nga arkitektura e gurtë. Muret karakteristike dhe çatitë me rrasa guri që harmonizohen me peizazhin e Gjirokastrës.
Punimet e imta në dru dhe mjediset e brendshme që ruajnë vërtetësinë e shekullit të XVIII.
Pamje nga mjediset e jashtme buzë lumit Drino, që ofrojnë një atmosferë paqeje për vizitorët.

Kryeministri me këtë fotogaleri tregon se ky objekt nuk është vetëm një qendër e rëndësishme e Bektashizmit, por edhe një dëshmitar i gjallë i Rilindjes Kombëtare. Teqeja e Zallit njihet historikisht si vatra ku u mbrojt gjuha shqipe dhe ku klerikët patriotë punuan krah për krah me figurat më të ndritura të kombit për pavarësinë e Shqipërisë.
Teqeja e Zallit në Gjirokastër, një tjetër dëshmi e pasurisë sonë të pashtershme kulturore që po rilind dita-ditës ka marrë menjëherë vëmendjen e qytetarëve dhe turistëve.
Postimi vjen si pjesë e fushatës për promovimin e turizmit gjatë gjithë vitit, duke e cilësuar Teqenë e Zallit si një ndalesë të detyrueshme për këdo që viziton Gjirokastrën, jo vetëm për besimtarët, por edhe për të apasionuarit pas historisë dhe fotografisë.
AV