Rama publikon pamjet e mbeturinave në Shkozet: Sigurisht që përmbytemi kur plehrat i hedhim nëpër fusha

Kryeministri Edi Rama ka postuar dy fotografi nga Shkozeti, ku mbetjet plastike kanë bllokuar kanalin, duke përmbytur zonën përreth.

“Sigurisht që kur i hedhim plehrat e shishet plastike nëpër fusha e në anët e rrugëve të atdheut që e duam vetëm në stadium, vjen një ditë shiu me gjyma që i mbledh nga janë e nga s’janë dhe i dynd në det, po kur pastaj shiu është aq i furishëm sa ky i fundit, atëherë nuk e arrijnë dot detin si zakonisht sepse gryka e kanalit taposet krejt, duke përmbytur dynjanë”, shkruan Rama.