Reforma territoriale, Berisha: Rama erdhi në Kuvend për ta ”varrosur”

Sali Berisha thotë se kryeministri Edi Rama erdhi në seancën plenare vetëm për të varrosur reformën territoriale. Sipas tij kreu i qeverisë dëshiron një reformë për interesa politike dhe jo në interes të qytetarëve.

“Rama varrosi një punë serioze të mbështetur nga komunitetet ndërkombëtare. Ai do një reformë jo në interes të qytetarëve. Këto janë përpëlitjet e fundit të tij, Edi Rama nuk shpëton më. Rama erdhi për të varrosur reformën territoriale.

Nuk mbetet veç gjë tjetër vetëm revolta paqësore e bashkive. Protestuesit u sulmuan egërsisht me gaz lotësjellës dhe spraj ariu. Pati edhe të lënduar rëndë. Po ndjekim me shqetësim shumë të madh situatën e tyre”, tha Berisha, pasi PD braktisi seancën plenare, ku PS votoi e vetme të gjitha pikat e rendit të ditës.