Reshjet e dëborës sjellin probleme në rrugët e Bulqizës

Pas reshjeve të dendura të shiut, vendi është përfshirë nga dëbora dhe temperatura deri në minus 5 gradë Celsius, duke shkaktuar vështirësi në qarkullimin e mjeteve.

Aksionet rrugore si Bulqizë-Peshkopi, Bulqizë-Tiranë, Qafë e Buallit-Kraste dhe Ura e Çerenecit-Librazh janë prekur. Trashësia e dëborës në qytet arrin deri në 5 cm, ndërsa në njësitë administrative Ostren, Trebisht, Zerqan, Fushë Bulqizë, Martanesh, ajo varion nga 5 deri në 20 cm në zonat e thella.

Një problem i veçantë mbetet aksi rrugor Lagje e Re me Lagjen e Vjetër, i cili prej dy ditësh është bllokuar nga prania e ujit, duke penguar kalimin si për automjetet ashtu edhe për këmbësorët.