Rikthimi në kuvend, deputetët e PD-së në superformë dhe pas 3 muajve protestë (FOTO)

Marrëveshja që siguroi rikthimin e Partisë Demokratike dhe të aleatëve të saj në kuvend për votimin e pjesës së mbetur të Vettingut por mbi të gjitha pjesëmarrjen në zgjedhje, erdhi pas negociatave mes Kryeministrit Rama dhe kreut të PD-së, Lulzim Basha.

Seanca e djeshme parlamentare, e jashtëzakonshme u thirr për ndryshimet e reja në qeveri, shkarkimi i Ministrave të qeverisë Rama dhe zëvëndësimi i tyre me Ministra Teknikë të PD-së dhe votimin e kreut të ri të KQZ dhe avokaten e re të popullit. Një seancë ku nuk munguan debatet, shaktë, batutat dhe sigurisht ribashkimi i 126 deputetëve që votuan ndryshimet.

Rikthimi i demokratëve në kuvend, u prit me interes edhe nga media, ku fotoreporterët kishin gati aparatet e tyre, për të fiksuar çdo lëvizje të deputetëve demokrat. Siç mund të shihet edhe në fotot e mëposhtme, grupi parlamentar i PD-së dhe aleatët shihen më të kuruar se kurrë dhe më të qeshur se kurrë.