Sa mirë shkonin dikur dy familjet Clinton-Trump (Foto)
Hillary Clinton dhe Donald Trump u përballen mbrëmë për herë të parë në skenën e debatit, në momentin më të madh e më të jashtëzakonshëm të garës presidenciale të 2016-ës. Me sondazhet kombëtare që tregonin një diferencë të ngushtë vetëm gjashtë javë nga dita e zgjedhjeve, “lufta” në universitetin e Hofstras ofroi një nga shanset e fundit për të folur drejtpërdrejt me dhjetëra miliona zgjedhës që ishin sy e vesh këtë mbrëmje.
Debati i parë, nga tre gjithsej, u ngrit mbi tre shtylla kryesore: drejtimi i vendit, mirëqenia dhe siguria e SHBA-ve.
Ekonomia dhe vendet e reja të punës ishte pika e parë ku Clinton e Trump ashpërsuan gjuhën. Kandidati republikan akuzoi ish-Sekretaren e Shtetit se nuk kishte një plan për krijimin e vendeve të reja të punës, por përgjigjja e Clinton ishte: “Donald, ne e dimë që jeton në botën tënde”.
Ish-Sekretarja e Shtetit kritikoi rivalin republikan për lëvdatat ndaj presidentit rus, Valdimir Putin si dhe për nxitjen që “hacker”-ët rusë të ndërmarrin sulme kibernetike ndaj qeverisë amerikane.
Por dikur mes dy familjeve, Clinton dhe Trump ka pasur një miqësi të madhe saqë miliarderi Trump me bashkëshorten ishte i ftuar i të gjitha eventeve dhe galave të presidentit të dikurshëm Bill Clinton në Shtëpinë e Bardhë.