Sali Berisha paraqitet në SPAK

Kreu i Partisë Demokratike, Sali Berisha, është paraqitur në Prokurorinë e Posaçme Antikorrupsion në zbatim të masës së sigurisë detyrim paraqitje të dhënë nga GJKKO.

Si çdo herë tjetër, edhe sot Berisha u prit jashtë ambienteve të SPAK-ut nga mbështetësit e tij dhe disa deputetë demokratë, me të cilët u përshëndet.

Berisha akuzohet se gjatë kohës që mbante postin e kryeministrit, ka ndërmarrë veprime konkrete për miratimin e ligjeve dhe akteve nënligjore, nga të cilat ka përfituar dhëndri i tij, Jamarbër Malltezi, në ndërtimin e pallateve në truallin e ish-kompleksit sportiv Partizani.