Sali Berisha: Sondazhet e brendshme të PS-së e zbresin partinë në 29%

Sali Berisha thotë se sipas sondazheve të brendshme të Partisë Socialiste, mbështetja për PS-në ka pësuar një rënie të fortë, duke zbritur në 29%. ”Partia e krimit është rrokullisur në 29%, ndërsa vetë Edi Rama qëndron nën shifrat e partisë”, shkruan Berisha, duke e paraqitur situatën si një shenjë të dobësimit të mazhorancës.

Berisha e shoqëron deklaratën me një sulm të ashpër politik ndaj qeverisë, duke e cilësuar Shqipërinë si “narkoshtet” dhe duke parashikuar një përshkallëzim të klimës politike gjatë vjeshtës.

”Sondazhet e brendshme të vetë PS-së tregojnë rënie katastrofale: partia e krimit është rrokullisur në 29%, ndërsa vetë Edi Rama qëndron nën shifrat e partisë. Narkoshteti po shkërmoqet dhe vjeshta do të jetë ajo e temperaturave më të larta politike”.