Samiti në Danimarkë, Spiropali: Vendi ynë ndan vizionin për një kontinent të fortë, të bashkuar dhe të sigurtë

Ministrja e Europës dhe e Punëve të Jashtme, Elisa Spiropali ka ndarë një album me foto nga Samiti i Komunitetit Politik Europian, që po mbahet në Danimarkë. Në mesazhin e saj, Spiropali thekson se Shqipëria ndan vizionin për kontinent të fortë, të bashkuar dhe të sigurtë. ”Sot në Kopenhagë në Samitin e VII-të të Komunitetit Politik Europian për sigurinë, qëndrueshmërinë dhe forcimin e bashkëpunimit politik në adresimin e sfidave të përbashkëta. Shqipëria tregoi sërish vlerat e saj si kontributore aktive për paqen, stabilitetin dhe integrimin europian. Vendi ynë ndan vizionin për një kontinent më të fortë, më të bashkuar dhe më të sigurt’‘,-shkruan Spiropali.