Seth Rogen do të luajë rolin kryesor në filmin biografik për Stev Jobs

Më në fund kanë filluar të xhirohet filmi biografik për Steve Jobs-in. Për një kohë prej një viti është diskutuar se kush do ta interpretonte rolin kryesor në këtë film, dhe tani më në fund bëhet me dije emri i aktorit.

Seth Rogen, i njohur për filmin shumë të përfolur “The Intervieë”, do të luajë rolin e Steve Ëozniak, bashkëthemeluesi i dytë i Apple-it. Ish-shefi ekzekutiv i Apple-it, John Sculley, do të luhet nga Jeff Daniels. Filmi do të prekë edhe momente nga jeta personale e Jobs-it, dhe do të përfshijë një performancë nga Katherine Ëaterston, e cila luan rolin e Chrisann Brennan, ish të dashurës së Steve Jobs.

Para pak muajsh, Sony Pictures ia ngarkoi projektin studios Universal, e cila filloi menjëherë me regjistrimin e filmit.

Universal konfirmoi zyrtarisht fillimin e xhirimit të filmit, dhe ka përcaktuar kastin e ri të aktorëve që do të luajnë në filmin biografik për Steve Jobs-in. Michael Fassbender do të jetë ai që do të interpretojë gjeniun e teknologjisë, i cili ndërroi jetë në vitin 2011, në moshën 56-vjeçare.

Danny Boyle, do të jetë regjisori i filmit. Regjistrimet kryesore kanë filluar tashmë në San Francisko. Studioja nuk e ka konfirmuar akoma datën se kur ky film do të publikohet.