Shoqërohet në mes të protestës, Arvina Lleshi: Po qëndroja në një shkurre, më morën edhe celularin

Aktivistja Arvina Lleshi është një prej protestuesve të shoqëruar nga Policia e Shtetit pas përplasjeve të regjistruara mbrëmjen e sotme mes efektivëve dhe protestuesve.

Lleshi thotë se është shoqëruar nga policia teksa, sipas saj, po merrte pjesë në protestë në mënyrë paqësore dhe qëndronte pranë një shkurreje, përballë Kryeministrisë.

Ajo pretendon gjithashtu se gjatë shoqërimit, efektivët i kanë marrë edhe telefonin celular.

“Po rrija në një shkurre dhe më kanë marrë edhe telefonin. Po më shoqërojnë dhe po më arrestojnë, nuk e di procedurën, sepse po protestoja paqësisht përballë Kryeministrisë. Kanë dhënë urdhër që të më fusin andej nga fundi”, është shprehur Lleshi.